الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 كـــــــــل حاجه في الدنيــــــــا وحشه فيها حــــــــاجه حـــــــــلوه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dooody
مبدعة ملهاش حل
مبدعة ملهاش حل
avatar

عدد الرسائل : 123
اعلام الدول :
المزاج :
المهنة :
الاوسمة :
تاريخ التسجيل : 28/06/2008

مُساهمةموضوع: كـــــــــل حاجه في الدنيــــــــا وحشه فيها حــــــــاجه حـــــــــلوه   الجمعة يوليو 11, 2008 9:51 am

بســـــــــــم اللة الرحمن الرحيم

كل حاجه وحشه فيها حاجه حلوه

ماحدش يسألني الاول
ايه نظرة التفاؤل اللي بقيت اشوف بيها الدنيا دي
سبحان الله
والحمد لله طبعا

نتكلم
اي حاجه في الدنيا لو عنينا شافتها وحشه
هتبقى وحشه عشان احنا عاوزين نشوفها وحشه
وعشان عنينا مش شايفه الحلو اللي فيها

مافيش شخص في الدنيا كل صفاته سيئه اكيد اكيد فيه على الاقل حاجه واحده بس حلوه

لما بدخل ارد في اغنيه او خاطره عندي في القسم
عمري ما قولت على حاجه وحشه تماما
اكيد اكيد فيها حاجه حلوه على الاقل اللي كاتبها

ما ينفعش نكره حد تماما ولا نكره حاجه تماما
ولا ينفع نقول الدنيا وحشه
والزمن وحش
ومافيش حاجه ليها امان
والناس كلها خاينيين


وانا الوحيد الطيب الغلبان المظلوم

معلش يعني انت بتضحك على نفسك
مش عليا
لو شايف نفسك كده اكيد فيه زيك كتير
مش انت الملاك الوحيد

اكيد فيك عيوب زي ما فيك حاجات حلوه
غيرك بقى زيك بالظبط زي ما انت شايفه وحش
اكيد فيه حاجه ع الاقل حاجه واحده حلوه

حتى لو فعلا حاجه انت قفلت دماغك على انها وحشه
تماما وماعندكش استعداد تقتنع بغير كده
برده فيها حاجه حلوه
انها حصلت .. لان اكيد انت اتعلمت منها ولو حصلت تاني
هتبقى اوت

اللي خلاني اقول كده
نظرة التشاؤم الفظيعه المنتشره الايام دي
ناس كتير يبان من توقيعها حزن والم
وتشاؤم والحياه في عيونهم سد

لو الدنيا وحشه وكل حاجه فيها عذاب
اكيد فيها حاجه حلوه
بص حواليك .. بص لنفسك
اكيد صحتك كويسه .. او متفوق في دراستك
او عندك اخوات مش عند حد في الدنيا .. او عندك احسن ام
او والدك راجل ربنا يخليهولك .. وكتير اوي بس انت بص بنفس راضيه

خللي نفسك هيا اصلا اللي سعيده
وغير وجهة نظرك عن الحاجه .. الحاجه نفسها هتتغير
شوفها حلوه واقنع نفسك انها حلوه
هتبقى حلوه

ربنا مش بيخلقنا في الدنيا عذاب لينا
ولا عشان طول حياتنا يبتلينا وبس
لاء لو فكرت شويه هتلاقي حاجات حلوه كتير عدت
افتكر مره كنت مش قادر تمسك روحك من الضحك
او خروجه مع اصحابك ما تتعوضش
او مره نجحت فيها وكل الناس فرحت بيك
او حاجه كويسه عملتها وفرحت حد بسيط
ماهي كل دي لحظات سعاده
وكلها حاجات حلوه بتحصل بس احنا اللي بنحسها طبيعيه
مع انها لحظات مميزه
عيش احلى ما في اللحظه على رأي فودافون

ولو استنيت شويه هتلاقي حاجات كتير احلى جايه

خلي الحزن لحظات
ما يبقاش دايما كل حاجه حزن

ولو التوبك ده وحش اكيد فيه حاجه حلوه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هوبه
مبدعة ملهاش حل
مبدعة ملهاش حل
avatar

انثى عدد الرسائل : 76
المزاج : ماشى الحال
اعلام الدول :
المهنة :
الاوسمة :
تاريخ التسجيل : 06/06/2008

مُساهمةموضوع: رد: كـــــــــل حاجه في الدنيــــــــا وحشه فيها حــــــــاجه حـــــــــلوه   الجمعة يوليو 25, 2008 6:44 am

رووووووووووووووووعه يادودى
الموضوع تحفه تحفه
شكرا ليكى و تسلم ايديك
انتى اللى حلوه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كـــــــــل حاجه في الدنيــــــــا وحشه فيها حــــــــاجه حـــــــــلوه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
SPECIAL GIRLz :: *SpEcIaL gIrLz* :: بـــــــيت المــــــــنـــــتدى *العــــــام*-
انتقل الى: